Supracoŭniki śledstva vyśviatlajuć akaličnaści DTZ, u jakim paciarpieła dzicia. Infarmacyju pra heta padali va USK pa Hrodzienskaj vobłaści.
U dačynieńni da kiroŭcy, jaki ździejśniŭ złačynstva, raspačataja kryminalnaja sprava pa č. 2 art. 317 KK Biełarusi.
Incydent adbyŭsia ŭviečary 19 studzienia ŭ Hrodnie na vulicy Repina. 30-hadovy mužčyna, znachodziačysia za rulom aŭtamabila marki Mercedes, źbiŭ dziaŭčynku 2015 h. n., jakaja znachodziłasia ŭ sankach. Maci viezła dzicia pa nierehulavanym piešachodnym pierachodzie. Dziaŭčynka była špitalizavanaja. Miedyki adnieśli jaje traŭmy da katehoryi ciažkich. Kiroŭca znachodziŭsia ŭ ćviarozym stanie, raniej da kryminalnaj adkaznaści nie pryciahvaŭsia.
Supracoŭniki śledstva pravodziać šerah nieabchodnych mierapryjemstvaŭ, nakiravanych na vyśviatleńnie ŭsich abstavinaŭ taho, što adbyłosia. Pravaachoŭniki prosiać vidavočcaŭ DTZ źviarnucca pa telefonach: 8 (0152) 72-41-03 abo 102.
