Palityk Mikałaj Statkievič adreahavaŭ na publikacyju ŭ «Našaj Nivie» «Paśla Homiela — Viciebsk? Rychtujecca jašče adna akcyja pratestu». Jon paličyŭ važnym udakładnić svaju pazicyju adnosna akcyj pratestu ŭ rehijonach.
Fota Siarhieja Hudzilina.
«Ja padtrymlivaju akcyi, što prajšli ŭ rehijonach. Vielmi dobra, što ludzi pakazali svaju volu nie tolki ŭ Minsku. Razam z tym, nielha paŭtarać pamyłak 2011 hoda, kali akcyi pačynalisia štotydniova, ale pastupova zhasali. Kali ž prychodziŭ čas vyrašalnaj akcyi ŭ Minsku, to chvala ŭsia sychodziła.
Heta dobra, što ludzi vyjšli. Tam ža, dzie nie było narmalnaha kiravańnia, dzie niezadavolenyja, jak, naprykład, u Viciebsku, tam ludzi majuć prava na paŭtornuju akcyju. Tamu akcyju 26 lutaha ja padtrymlivaju.
My budziem abmiarkoŭvać hetuju situacyju ŭ Biełaruskim nacyjanalnym kanhresie. I, mahčyma, akažam arhanizacyjnuju dapamohu ludziam, jakija źbiarucca 26-ha a 12:00 u centry Viciebska. Pośpiechaŭ vam, siabry».
