Redki pryrodny fienomien udałosia ŭbačyć žycharam Sinhapura: nad vostravam na praciahu 15 chvilin było vidać niezvyčajnuju viasiołku, paviedamlaje VVS.
@Hamsluminiq
Roznakalarovaje śviačeńnie ŭ niebie źjaviłasia ŭ paniadziełak u druhoj pałovie dnia.
Chutčej za ŭsio, heta była tak zvanaja «vohniennaja viasiełka» — redki aptyčny efiekt u atmaśfiery, jaki vyjaŭlajecca va ŭźniknieńni haryzantalnaj viasiołki.
Fienomien prajaŭlajecca pry peŭnych umovach: kali sonca vyšej za 58 hradusaŭ nad haryzontam, u niebie — pierystyja abłoki, a kryštali lodu ŭ abłokach raźmiaščajucca haryzantalna.
Zhou Guang Ping
Pramiani soniečnaha śviatła prachodziać praz kryštali lodu i, pierałamlajučysia, utvarajuć viasiołkavy, śpiektralny padzieł koleraŭ.
Viasiołka źjaviłasia na niebie kala 5-j viečara. «Spačatku źjaviŭsia maleńki aranžavy kruh, zatym jon staŭ pavialičvacca, i źjavilisia ŭsie astatnija kolery», — raspaviadajuć vidavočcy.
