ARCHE № 5 (150) — 2016. Ad Jatviazi da Litvy
U pracy historyka Alaksieja Kibinia, jakaja drukujecca ŭ numary, havorka idzie nia tolki pra jaćviahaŭ. Heta kompleksnaje daśledavańnie pryśviečana historyi Biełarusi napiaredadni inkarparacyi biełaruskich ziemlaŭ u skład Vialikaha Kniastva Litoŭskaha. Navizna j aryhinalnaść pracy — u vyśviatleńni hienealohijaŭ kniazioŭ, jakija kiravali ŭ XII—XIII st. u Harodni, Navahradku, Słonimie, Vaŭkavysku dy inšych biełaruskich haradoch, u daśledavańni novych naratyŭnych krynic, što kidajuć śviatło na praces słavianizacyi Biełarusi, narešcie, u sprobie adkazu na pytańnie, čamu častka našaj ziamli nazyvałasia Čornaja Ruś. Uvahu čytača taksama pryciahnie navatarskaja praca litoŭskaha historyka Vajdy Kamuntavičenie «Nasielnictva Jelnienskaj parafii ŭ XVII st. («Staraja Litva», abo jatviaski śled u Vilenskim biskupstvie)», u jakoj na asnovie kaścielnych krynic daśledujucca losy bałckaha nasielnictva na terytoryi sučasnaj Haradzienskaj vobłaści ŭ XVII st., a taksama vostra krytyčnaja recenzija Aleha Łatyšonka na knihu brytanskaha historyka Styvena Roŭeła «Uzdym Litvy. Pahanskaja impieryja ŭ Centralnaj i Uschodniaj Jeŭropie, 1295—1345», čyj pierakład na biełaruskuju movu vyjšaŭ u 2015 hodzie.
Źmiest
Zamiest pradmovy
Papiarovaja versija: 7 rub.
Elektronnaja versija (PDF): 11.9 rub.
Daviedka
Alaksiej Kibiń — kandydat histaryčnych navuk, staršy vykładnik katedry historyi słavianskich i bałkanskich krain Instytutu historyi Sankt-Pieciarburskaha dziaržaŭnaha ŭniversytetu. Sfera navukovych intaresaŭ — etničnaja historyja j kulturnyja kantakty ŭ siaredniaviečnaj Uschodniaj Eŭropie, historyja staražytnaruskich kniastvaŭ i Vialikaha Kniastva Litoŭskaha, imahalohija dy histaryjahrafija.
U 2009 h. abaraniŭ kandydackuju dysertacyju pa temie «Vierchniaje Paniamońnie ŭ palityčnaj, sacyjakulturnaj i etničnaj historyi słavian i bałtaŭ VIII—XIII stst.», na asnovie jakoje ŭ 2014 h. vydaŭ manahrafiju, što ŭ pierakładzie na biełaruskuju movu nadrukavali ŭ № 5 «ARCHE» za 2016 hod.
Na prośby čytačoŭ taksama vyjšli pieravydańni 2 papularnych numaroŭ, papiarovyja nakłady katorych chutka razyšlisia ŭ svoj čas:
ARCHE № 12 (99) — 2010. Paŭstańnie 1863—1864 hh. i losy Biełarusi
Paŭstańnie 1863—1864 hh. vystupaje asablivym fokusam u historyi Biełarusi XIX st., praź jaki zručna razhladać i sacyjalnyja kancepty, i prablemy etničnaj identyfikacyi, i madernaje nacyjatvareńnie. Z palityčnych dy idealahičnych pryčyn surjoznaje navukovaje vyvučeńnie prablem, datyčnych paŭstańnia, ciapier niemahčymaje ŭ ramkach aficyjnaj akademičnaj sfery. Tamu hety numar «ARCHE» staŭ placoŭkaj dla tych navukoŭcaŭ, jakija viaduć daśledavańni, nie ahladajučysia na aficyjnyja dyrektyvy — Volhi Harbačovaj, Andreja Kištymava, Alaksandra Radziuka, Alesia Smalančuka dy inš. Taksama ŭ vypusku cełaja kniha: «Mary. Uspaminy ab partyzanskim ruchu ŭ Hrodzienskim vajavodztvie ŭ 1863 i 1864 hh.» Ihnata Aramoviča.
Źmiest i Pradmova
Papiarovaja versija: 7 rub.
Elektronnaja versija (PDF | EPUB): 11.9 rub.
ARCHE № 3 (114) — 2012. Historyja biełaruskaj štodzionnaści
U numary sabranyja artykuły, jakija razhladajuć štodzionnaje žyćcio nasielnikaŭ Biełarusi ŭ roznyja histaryčnyja epochi. Aleh Lickievič piša, jak atrucili kniazia Skirhajłu ŭ Kijevie (1395 hod), Kanstancin Jerusalimski daśleduje, jak dyskrymininavali maskoŭcoŭ u VKŁ, Iryna Hierasimava vyśviatlaje asablivaści pavodzinaŭ maskoŭskich uładaŭ u akupavanaj Vilni (1657 hod).
Źmiest
Pradmova
Papiarovaja versija: 9.9 rub.
Elektronnaja versija (PDF | EPUB): 11.9 rub.
Taksama napaminajem, što niadaŭna pabačyła śviet kniha Mikałaja Ŭłaščyka «Zbor tvoraŭ u 3-ch tamach. Tom 1: Pracy pa archieahrafii i krynicaznaŭstvu».
Pieršy tom zboru tvoraŭ viadomaha biełaruskaha historyka ŭklučaje ŭ siabie krynicaznaŭčyja i archieahrafičnyja daśledavanni, h. zn. manahrafii «Narysy pa archieahrafii i krynicaznaŭstvu historyi Biełarusi fieadalnaha pieryjadu» i «Uvodziny ŭ vyvučeńnie biełaruska-litoŭskaha letapisańnia», artykuły, recenzii i pradmovy da roznych publikacyj na adpaviednuju tematyku, a taksama dva paśmiarotnyja vydanni, jakija płanavalisia jak treciaja i čaćviortaja knihi hetaj tematyčnaj sieryi: «Narysy pa archieahrafii i krynicaznaŭstvu historyi Biełarusi dasavieckaha pieryjadu: častka druhaja» i «Miemuary i dzionniki jak krynicy pa historyi Biełarusi».
Źmiest
Ustup
Cierni i łaŭry biełaruskaha historyka
Papiarovaja versija: 39.9 rub.
Elektronnaja versija (PDF): 29.9 rub.
