Na pačatak lutaha niepracaŭładkavanymi ličylisia 39,9 tysiačy čałaviek, abo 0,9% ad ekanamična aktyŭnaha nasielnictva, paviedamlaje Minpracy. Heta na 4,6 tysiačy čałaviek bolš, čym na pačatak studzienia. Raniej kolkaść biespracoŭnych padała z maja minułaha hoda, paviedamlaje finance.tut.by.
Za studzień u centrach zaniataści zarehistravalisia 15,9 tysiačy biespracoŭnych (hod tamu — 15 tysiač).
Na kožnaha niepracaŭładkavanaha ŭ studzieni prypadała ŭ siarednim adna vakansija. U niekatorych rehijonach zajavak ad najmalnikaŭ bolš, čym achvotnych znajści pracu. Da prykładu, u Hrodzienskaj vobłaści na adnu vakansiju pretenduje 0,8 biespracoŭnych, u Mahiloŭskaj — 0,9, a ŭ Minsku — 0,6.
Kolkaść vakansij za studzień u słužbach zaniataści pavialičyłasia da 39,3 tysiačy. Heta na 3,3 tysiačy bolš, čym na pačatak hoda. Dla rabočych było 49,2% ad ahulnaj kolkaści vakansij (hod tamu — 49,1%).
Navučańnie praz centry zaniataści ŭ studzieni prajšli 308 čałaviek. Na novaje miesca žycharstva ŭ minułym miesiacy pierasialilisia 5 biespracoŭnych siemjaŭ.
