AP
Adzinaj alternatyvaj pakryćciu deficytu antracytavaha vuhalu va Ukrainie z-za prypynieńnia pastavak z Danbasa źjaŭlajecca pramy impart elektraenierhii z Rasii abo pastaŭki rasijskaha hazu na hazamazutnyja błoki elektrastancyj. Pra heta zajaviŭ u efiry telekanała «112 Ukraina» ministr enierhietyki i vuhalnaj pramysłovaści Ihar Nasalik.
«Abo Rasija pa imparcie [elektraenierhii], abo rasijski haz na hazamazutnyja błoki. Takaja alternatyva. U lubym vypadku my budziem šukać varyjanty», - adznačyŭ jon.
Pavodle jaho słoŭ, aktyvizacyja pošukaŭ alternatyŭnych šlachoŭ pastavak vuhalu budzie mahčymaja paśla ŭviadzieńnia nadzvyčajnaj situacyi na enierharynku krainy. Varyjant impartu vuhalu z PAR pakul nierealistyčny, dadaŭ Nasalik, bo tam vuhalnaja pradukcyja ŭžo zakantraktavanyja inšymi kampanijami «až da krasavika hetaha hoda».
Raniej na pasiadžeńni antykryzisnaha štaba v.a. kiraŭnika «Ukrenierha» Usievaład Kavalčuk i kiraŭnik Minenierha Ihar Nasalik u paniadziełak, 13 lutaha, paviedamili, što «Ukrenierha» i Minenierha prapanavali ukrainskamu Kabinietu ŭvieści nadzvyčajnaje stanovišča na rynku elektraenierhii z-za prypynku pastavak vuhalu-antracyta z Danbasa.
Nasalik paviedamiŭ, što na ŭkrainskich składach na dadzieny momant znachodzicca 927 tys. t antracytu, i adznačyŭ, što raschod antracytu składaje 30 tys. ton u sutki. U siarednim, aceńvaŭ kiraŭnik Minenierha, takich zapasaŭ chopić na 40 dzion, adnak, dadavaŭ jon, moža chapić i na 100 dzion u vypadku ŭvodu nadzvyčajnaha stanovišča.
U pačatku lutaha ŭkrainskija aktyvisty i vieterany ATA zabłakavali čyhunku kala horada Bachmut u Danieckaj vobłaści. Meta akcyi — nie dapuścić handal «ź sieparatystami», padkreślivali ŭdzielniki błakady.
Błakiroŭka darohi była ździejśniena praz try dni paśla abvastreńnia ŭzbrojenaha kanfliktu na Danbasie kala horada Aŭdziejeŭka, jakoje adbyłosia 29 studzienia. Abodva baki supraćstajańnia abvinavacili adzin adnaho ŭ pačatku abstrełaŭ. Sam nasieleny punkt znachodzicca pad kantrolem ŭkrainskich vajskoŭcaŭ.
