Jak paviedamili «Našaj Nivie» u Śledčym kamitecie, zatrymanyja pa «spravie biełarusafobaŭ» aŭtary «Rehnuma» bolš nie znachodziacca ŭ statusie padazravanych — im pradjaŭlena abvinavačańnie pa treciaj častcy 130 artykuła Kryminalnaha kodeksa (raspalvańnie varožaści).
Pa «spravie biełarusafobaŭ» prachodziać vykładčyk BDUIR Juryj Paŭłaviec, školny vartaŭnik Dźmitryj Alimkin, redaktar časopisa «Novaja ekanomika» Siarhiej Šyptenka.
Usie hetyja ludzi pisali antybiełaruskija artykuły na sajt rasijskaha infarmacyjnaha ahienctva «Rehnum».
U asobnych materyjałach Biełaruś nazyvałasia «zvarjaciełaj niedadziaržavaj», a biełaruskaja mova — prykmietaj nizkaha pachodžańnia. Mocna krytykavalisia taksama i biełaruskija ŭłady.
Zatrymlivali «publicystaŭ» z udziełam bajcoŭ AMAP.
Aŭtaram «Rehnuma» ciapier inkryminujecca złačynstva, ździejśnienaje hrupaj asobaŭ.
