Viktar Brazoŭski, 57-hadovy biełaruskamoŭny kiroŭca aŭtobusa, na jakoha prarasijski aktyvist napisaŭ skarhu za bieł-čyrvona-biełuju stužku, praciahvaje sutykacca z prablemami praz svaju pazicyju.
Viktar Brazoŭski.
«Šavinistyčnaja miarzota praciahvaje stračyć danosy na pieravozčyka Viktara Brazoŭskaha, aŭtobus jakoha vaziŭ patryjotaŭ na śviatkavańnie Słuckaha zbrojnaha čynu. Pieraśled źviazany nie tolki z vypłataj drobnych štrafaŭ, ale pieradusim vybivaje z pracoŭnaha hrafiku. Baćka piaci dziaciej Viktar Brazoŭski vymušany nie pracaju zajmacca, a katacca sutkami pa padatkovych, transpartnaj inśpiekcyi i DAI. Prapanuju patryjotam zhurtavacca i rublom padtrymać patryjatyčnuju dziejnaść spadara Viktara», — napisaŭ u svaim fejsbuku Źmicier Daškievič.
Daškievič taksama zaklikaŭ padtrymać Brazoŭskaha materyjalna:
«Zakidvajem nievialikija sumy na telefon Viktara Brazoŭskaha 8029 654 4387 (velcom); u kaho lažyć serca i dazvalaje finansavaje stanovišča, možacie pakinuć bolšyja achviaravańni na ofisie Art-siadziby (Niezaležnaści 58-430) ci ofisie Partyi BNF (Čarnyšeŭskaha Z, pieršy padjezd); zamaŭlajem pieravozki ŭ patryjota i šmatdzietnaha baćki Viktara Brazoŭskaha».