Viktar Šenderovič
Viadomamu piśmieńniku-satyryku, publicystu i adnamu z najbolš paśladoŭnych krytykaŭ palityčnaha režymu Ŭładzimira Pucina dazvolili pravieści kancert u Miensku.
Jak paviedamiŭ Viktar Šenderovič u svaim «Fejsbuku», jaho puskajuć u Miensk z kancertam upieršyniu amal za 20 hadoŭ. Pavodle piśmieńnika, paśviedčańnie № 250 ad 1 lutaha na prava padrychtoŭki i praviadzieńnia mierapryjemstva vydadziena antrepreneru Hałoŭnym upraŭleńniem idealohii, kultury i spraŭ moładzi Mienharvykankamu. Kancert pavinien adbycca 25 traŭnia.
«Adliha ŭ ich. Jašče letaś nie ŭzhadnili mianie, a sioleta ŭzhadnili, na złość Pucinu. Zdajecca, ja pajšoŭ na reštu z cany na haz, ale heta nie maja sprava. 25 traŭnia, značycca. Kali jany za hety čas iznoŭ nie palubiać adzin adnaho», —napisaŭ Šenderovič u Facebook.
Viktar Šenderovič viadomy žorstkaj krytykaj palityki Ŭładzimira Pucina, u tym liku dziejańniaŭ Rasiei va Ŭkrainie. U žniŭni 2014 hodu Šenderovič asabista vychodziŭ na pikiet u centry Maskvy ź plakatam «Vajna z Ukrainaj — hańba i złačynstva».
Praz svaju hramadzianskuju pazycyju Šenderovič staŭ abjektam napadak aficyjoznaj rasiejskaj prapahandy, a jahonyja kancerty ŭ Rasiei nieadnojčy admianialisia. U Biełarusi, pavodle jaho, jon staŭ personaj non-hrata ŭ pačatku 2000-ch, paśla niekatorych vypuskaŭ prahramy «Lalki», dzie jon u tym liku vyśmiejvaŭ Alaksandra Łukašenku.
