Biźniesmienu Alaksandru Knyroviču vystaŭlenaje abvinavačańnie. Śledstva inkryminuje kiraŭniku hrupy kampanij «Sarmat-STI» tolki adzin artykuł z tych, što byli pieraličanyja ŭ paviedamleńni KDB pra «supraćpraŭnuju dziejnaść słužbovych asobaŭ u śfiery ŽKH».
Pra heta Jeŭraradyjo paviedamiŭ aficyjny pradstaŭnik KDB Biełarusi Dźmitryj Pabiaržyn:
«Niepasredna pa Knyrovičy: jamu pradjaŭlenaje abvinavačańnie pa častcy 2 artykuła 243 Kryminalnaha kodeksa», — skazaŭ Pabiaržyn.
Pavodle viersii śledstva, Knyrovič uchilaŭsia ad vypłaty padatkaŭ u asabliva bujnym pamiery. Pradprymalniku pahražaje abmiežavańnie voli na termin da piaci hadoŭ ci pazbaŭleńnie voli na termin ad 3 da 7 hadoŭ. Sud moža kanfiskavać u Knyroviča majomaść, a taksama — pazbavić jaho prava zajmacca peŭnaj dziejnaściu.
Asabliva bujnym pamieram škody pryznajecca ŭchileńnie ad vypłaty padatkaŭ na sumu, što ŭ 2500 i bolš razoŭ pieravyšaje pamier bazavaj vieličyni. U vypadku z Alaksandram Knyrovičam havorka idzie pra sumu nie mienš jak 2,8 młn rubloŭ.
Abvinavačańni pradjaŭlenyja i astatnim fihuratnam «Spravy «Sarmata». Usie jany znachodziacca pad vartaj.
Alaksandr Knyrovič — adzin z samych miedyjnych biełaruskich biźniesmienaŭ. Jon udzielničaŭ u telešou, vioŭ błoh i rehularna vystupaŭ u ŚMI z krytykaj ekanamičnaj situacyi ŭ Biełarusi.
Zatrymańnie Knyroviča adbyłosia 25 studzienia, paśla taho, jak biźniesmien viarnuŭsia ŭ Minsk z Ženievy. 6 lutaha ŭ 23:00 skončylisia 10 dzion, na jakija byŭ praciahnuty termin jaho znachodžańnia pad vartaj.
