Siarhiej Karatkich (viadomy pad mianuškaj Maluta) byŭ adnoj z centralnych postaciaŭ biełaruskaha RNIE časoŭ, kali ŭ krainie źnikali dziejačy apazicyi i biznesoŭcy. Paśla jon žyŭ u Rasii, a paśla pierajechaŭ va Ukrainu.
«Kali ja daviedałasia, što Maluta [Siarhiej Karatkich — vychadziec ź Biełarusi, były važak biełaruskaj supołki RNIE, jaki pierajechaŭ vajavać na Danbasie na ŭkrainskim baku] sustrakaŭsia z Paŭłam [Šaramietam] napiaredadni vybuchu mnie zrabiłasia nijakavata, — kaža biełaruskaja žurnalistka, daŭniaja kaleha Paŭła Šaramieta Śviatłana Kalinkina. — Ja nie nastolki dobry čałaviek, kab zabyć usio RNIEšnaje minułaje Karatkich. I, ščyra kažučy, nie vieru, što čałaviek moža voś tak uziać i źmianicca».
Kalinkina dała vialikaje intervju ŭkrainskamu vydańniu «Hardon», pryśviečanaje Šaramietu.
«Čym byŭ tak pierakanaŭčy Karatkich, što Pavieł dla siabie jaho całkam amnistavaŭ, mnie skazać ciažka. I, nakolki ja viedaju, u Biełarusi hetaha nichto nie zrazumieŭ. U Biełarusi … staŭleńnie da hetaha piersanaža vielmi i vielmi nieadnaznačnaje. Tak, jany sustrakalisia viečaram, napiaredadni śmierci Paŭła. Nakolki ja viedaju, tam havorka išła pra infarmacyjnuju padtrymku niejkich strajkaŭ ci niečaha jašče. Tut užo pačynajucca ŭsialakija kanśpirałahičnyja teoryi. I ŭ internecie z hetaj nahody šmat kamientaŭ. Mnohija ŭžo źviazali ŭ adno dekłaracyju bolš čym miljona dalaraŭ Maluty i zabojstva Šaramieta. Ale heta, viadoma, fantazii čystaj vady», — adznačaje Kalinkina.
«Maja pieršaja reakcyja była, što heta rasijski śled, — kaža Kalinkina. — Ale paśla, pabačyŭšy, jak idzie śledstva va Ukrainie, što tolki praź miesiac, a to j bolš sud daŭ dazvoł na vymańnie telefonnych razmoŭ… A my viedajem, što takija spravy rasśledujucca abo pa haračych śladach, abo nikoli. Ničym ja nie mahu patłumačyć sabie, čamu ŭkrainskaje śledstva takoje, — kaža Kalinkina. — Mnie nie vielmi viadomy ŭkrainski pieryjad žyćcia Paŭła Šaramieta».
