«Ahałciełaja Baćkaŭščyna», — tak rasijski partał Lenta.ru nazvaŭ artykuł, pryśviečany pres-kanfierencyi Alaksandra Łukašenki, što adbyłasia 3 lutaha.
Lenta.ru možna ličyć ruparam Kramla, jaki pravodzić «pravilnuju liniju» ŭ zamiežnapalityčnych pytańniach.
«U Rasiei za chabar možna ŭsio», — cytuje Lenta.ru Alaksandra Łukašenku. Vydańnie nazyvaje jahonyja vykazvańni «razhromnaj krytykaj» «najbližejšaha sajuźnika svajoj krainy». «Dastałasia rasijskim čynoŭnikam, palityčnym lidaram, mytnikam, vajskoŭcam, Raśsielhasnahladu, FSB, «Hazpromu», pieraličvaje aŭtar artykuła Ihar Karmazin.
Vystup Łukašenki byŭ vytrymany ŭ styli «emacyjnaha stendapu», piša Karmazin. Jon daje słova biełaruskamu žurnalistu Arciomu Šrajbmanu. Na dumku Šrajbmana, intehracyjnyja prajekty zachavajucca, bo biełaruskaja haspadarka «raźličanaja na bieśpierabojnyja rasijskija datacyi, a značyć — mahčymyja maštabnyja ŭnutryekanamičnaj nastupstvy dla Biełarusi» ŭ vypadku razryvu adnosin.
U toj ža čas namieśnik dyrektara rasijskaha Instytuta krain SND Uładzimir Žarychin adznačaje: u vyniku padzieńnia rasijskaj ekanomiki «skaračajucca ŭnutryrasijskija vydatki, i našamu samamu blizkamu sajuźniku nieabchodna źmienšyć apietyty».
