Paštamat — heta aparat dla samastojnaha atrymańnia pasyłak. Paštamaty pracujuć užo daŭno ŭ Rasii i Ukrainie. Dla Biełarusi heta pakul ekśpierymient.
«Biełpošta» zajaŭlaje, što paštamaty pracujuć u testavym režymie.
Ałharytm pracy nastupny.
Adpraŭnik paznačaje adras paštamata i adpraŭlaje pasyłku. Zabrać jaje možna paśla ŭvodu koda, jaho dasyłajuć praz SMS, dzie budzie taksama paznačany adras paštamata. Zapłacić za pasłuhi treba kartkaj ci hatoŭkaj praz kupiuraprymač. Paśla apłaty možna budzie adkryć adpaviednuju jačejku, dzie i budzie pasyłka.
Kali pasyłku nie zabirajuć ciaham niekalkich dzion, jana skiroŭvajecca ŭ adździaleńnie pošty, jakoje absłuhoŭvaje paštamat, ci viartajecca adpraŭniku. Ab hetym taksama paviedamiać praz SMS.
