Surok Fił z horada Panksatoni (štat Piensilvanija), jaki pradkazvaje nadvorje, ubačyŭ svoj cień. Heta aznačaje, što rańniaj viasny čakać nie vypadaje — napieradzie jašče šeść tydniaŭ zimy.
Heta było ŭžo 131-je pradkazańnie Fiła. Tradycyja pradkazvać nadvorje z dapamohaj surka pačałasia ŭ Panksatoni ŭ 1886 hodzie. Fił prasłaviŭsia, u tym liku, dziakujučy filmu «Dzień surka» ź Biłam Miurejem u hałoŭnaj roli.
AP
Dzień surka adznačajecca 2 lutaha ŭ ZŠA i Kanadzie. Ličycca, što kali surok, vyjšaŭšy z norki, nie ŭbačyć svoj cień i zastaniecca na vulicy, viasna pryjdzie chutka. A kali jon ubačyć cień i spałochajecca, zima skončycca niachutka.
U Biełarusi siońnia katoliki adznačajuć Hramnicy (15 lutaha ich śviatkujuć pravasłaŭnyja).
Na Hramnicy ŭ cerkvach śvieciać śviečki, kab jany abierahali chaty ad pieruna. Narodnaja mudraść kaža: «Hramnicy — pałavina zimicy, marazoŭ pałavicy».
Narodnyja prykmiety takija: «Jak na Hramnicy pievień napjecca vadzicy, dyk na Jurja [23 krasavika ŭ katolikaŭ, ci 6 maja ŭ pravasłaŭnych] voł najesca travicy».
Siońnia adlihi nie było, značyć rańniaj viasny ŭ Biełarusi taksama nie budzie.
