Sud Jeŭrapiejskaha sajuza pryznaŭ zakonnymi sankcyi suprać rasijskaha vytvorcy sistem supraćpavietranaj abarony kancerna «Ałmaz-Antej». Kancern sprabavaŭ asprečyć zamarozku svaich aktyvaŭ.
U svaim rašeńni sud adznačaje, što Rada ES pradstaviła dastatkovyja śviedčańni taho, što Rasija adpraŭlaje zbroju sieparatystam na ŭschodzie Ukrainy. «Ałmaz-Antej», jaki vyrablaje ŭzbrajeńnie dla Rasii, tym samym apasrodkavana padtrymlivaje parušeńnie terytaryjalnaj cełasnaści susiedniaj dziaržavy, vyśvietliŭ sud.
Pry hetym u sudzie adznačyli, što Rada ES nie abaviazana była dakazvać pramoje vykarystańnie sieparatystami zbroi, zroblenaj kancernam, kab abhruntavać sankcyi. Akramia hetaha, na pryniaćcie rašeńnia ab sankcyjach nie paŭpłyvała katastrofa «Boinha», što, jak ličyć śledstva, byŭ źbity rakietaj kompleksu «Buk», vyrablenaha kancernam.
