U Hancavickuju centralnuju rajonnuju balnicu z anafiłaktyčnym šokam trapiła 12-hadovaja dziaŭčynka, paviedamili BiełTA ŭ miascovaj CRB.
Vypadak adbyŭsia 20 studzienia. Školnica zachvareła na hnojnuju anhinu. Učastkovy piedyjatr vypisaŭ dziciaci preparaty «Ceftryjakson» i «Lidakain». Viečaram maci stała samastojna ŭvodzić dačcy leki, i ŭ hety čas joj stała drenna. U jaje było abciažaranaje dychańnie, zatym jana straciła prytomnaść. Spałochanaja žančyna vyklikała chutkuju dapamohu. Miedyki prybyli praź piać chvilin. Jany apieratyŭna akazali dziaŭčyncy dapamohu, pazbaviŭšy jaje ad anafiłaktyčnaha šoku, zatym dastavili ŭ reanimacyju. Ciapier školnica pieraviedzienaja ŭ dziciačaje adździaleńnie, dzie joj lečać anhinu.
Taksama ŭ hety dzień u balnicu z dyjahnazam «anafiłaktyčny šok» pastupiła jašče adna žycharka Hancavickaha rajona. Joj taksama ŭ ścisłyja terminy była akazanaja miedycynskaja dapamoha. U ciapierašni čas zdaroŭju žančyny ničoha nie pahražaje.
