U Biełarusi ŭ 2017-2019 hadach buduć źniatyja abmiežavańni na adkryćcio rachunkaŭ u zamiežnych bankach. Heta praduhledžana kompleksam mier pa realizacyi Prahramy sacyjalna-ekanamičnaha raźvićcia Biełarusi na 2016-2020 hady, jaki zaćvierdžany pastanovaj Savieta Ministraŭ numar 18 ad 12 studzienia 2017 hoda, paviedamili ŭ pres-słužbie ŭrada.
Siarod mier pa ŭdaskanaleńni hrašova-kredytnaj i valutnaj palityki taksama nazvana padtrymańnie pracentnych stavak u ekanomicy na dadatnym (u realnym vyražeńni) uzroŭni i pastupovaje ich źnižeńnie pa miery makraekanamičnaj stabilizacyi i zapavoleńnia tempaŭ inflacyi.
Pieršasnaj metaj dziejnaści Nacbanka budzie ŭstanoŭlena padtrymańnie cenavaj stabilnaści. Nacbank taksama budzie zabiaśpiečvać svoječasovaje i poŭnaje vykanańnie abaviazacielstvaŭ pa pahašeńni valutnych abaviazacielstvaŭ (u tym liku pry dapamozie refinansavańnia). Kursavaja palityka budzie pravodzicca ŭ režymie kirujemaha płavańnia, zołatavalutnyja reziervy buduć naroščvacca i padtrymlivacca na biaśpiečnym uzroŭni.
Poŭnaja admiena abaviazkovaha prodažu valutnaj vyručki i admiena metavaj kupli zamiežnaj valuty subjektami haspadarańnia - rezidentami praduhledžany ŭ 2018 hodzie. Pradoŭžycca dedałaryzacyja ekanomiki.
U 2017 hodzie budzie raspracavany paradak farmiravańnia, zaćviardžeńnia i vykanańnia płana finansavańnia Bankam raźvićcia dziaržaŭnych prahram i mierapryjemstvaŭ. Štohod buduć zaćviardžacca hraničnyja abjomy lhotnaha kredytavańnia dziaržprahram i mierapryjemstvaŭ.
