Viertalot z ratavalnikami na borcie, jakija brali ŭdzieł u apieracyi pa akazańni ekstrannaj dapamohi ludziam, paciarpiełym z-za śniehapadaŭ u centralnaj Italii, raźbiŭsia ŭ rehijonie Abruca, paviedamlajuć infarmahienctvy.
Adznačajecca, što kantakt z ekipažam viertalota byŭ stračany kala poŭdnia pa miascovym časie (14.00 pa minskim). Pavodle papiaredniaj infarmacyi, viertalot upaŭ z vyšyni kala 500 m. Na jaho borcie było šeść čałaviek: dva piłoty, lekar, miedbrat i dva vyratavalniki. Usie šaściora zahinuli. Adznačajecca, što ekipaž paśpieŭ adpravić sihnał biedstva.
Miž tym vyratavalnaja apieracyja na miescy hatela Rigopiano (vobłaść Abruca), na jaki abrynułasia łavina ŭ noč na 19 studzienia, praciahvajecca. Vyžyli 11 čałaviek. Pryznanyja zahinułymi 14 čałaviek, 15 prapali.
