Alaksandr Łukašenka ŭ čas rabočaj sustrečy ź ministram unutranych spraŭ, staršynioj naziralnaj rady CHK «Dynama-Minsk» Iharam Šunievičam raskrytykavaŭ hulniu biełaruskich chakieistaŭ u KCHŁ.
«Tak, jak vy (chakieisty «Dynama-Minsk».) siabie pavodzili na placoŭcy, hulajučy z «Dynama» (Ryha), heta ni ŭ adny varoty nie lezie», — zajaviŭ Alaksandr Łukašenka.
Jon adkreśliŭ, što ryžskaja kamanda sastupaje minskim adnakłubnikam pa mnohich pakazčykach, adnak u hulni akazałasia značna macniejšaj.
«Kali b spartsmieny ŭ «Dynama» (Ryha) atrymlivali takija zarpłaty, jak našy, u ich na paradak byŭ by vyšejšy kłub. A vy jak byccam nie źbirajeciesia ŭ płej-of hulać. Nie zabyvajcie, što 15 tys. (zaŭziataraŭ) siadzić na stadyjonie i miljony vas hladziać, u tym liku i ja. Soramna było hladzieć. Kamanda hulaje niaroŭna, vy prajhravajecie tady, kali nielha prajhravać. Toje, što vy zaraz stracicie, potym kryvioju treba zdabyvać, kab vyjści ŭ płej-off i tam hodna vystupić. Vy ž nie dla mianie hulajecie, a dla ludziej, dla naroda», — zaŭvažyŭ kiraŭnik dziaržavy.
