Mahčymaść stvareńnia respublikanskaj sistemy manitorynhu hramadskaj biaśpieki vyvučajuć u Biełarusi. Ab hetym išła razmova ŭ čas rabočaj sustrečy Alaksandra Łukašenki ź ministram unutranych spraŭ Iharam Šunievičam, piša BiełTA.
«Ja nie pieršy raz z hetym sutykajusia. Sistema pavinna być. Ale mnie važna, jakaja heta budzie sistema, kamu jana budzie padparadkoŭvacca, chto za jaje budzie nieści adkaznaść i što ŭ nas zroblena na siońniašni dzień. I jakaja cana pytańnia, kab dapracavać», - skazaŭ Alaksandr Łukašenka.
Razam z tym jon padkreśliŭ, što takuju sistemu manitorynhu hramadskaj biaśpieki nieabchodna stvarać tolki ŭ vypadku nieabchodnaści. «Jaje treba stvarać tady i jaje elemienty nieabchodna stvarać tady, kali naśpieła nieabchodnaść. Nie na vialikuju budučyniu, a na ciapier. U advarotnym vypadku my možam stvaryć hetu strukturu, a jana nie budzie zapatrabavana. A zaŭtra pryjdzie čas, stvoranaja sistema ŭstareje - i nam jana tym bolš budzie nie patrebna, stracim hrošy. Heta značyć treba svoječasova stvarać toje, što treba siońnia dla žyćcia», - adznačyŭ kiraŭnik dziaržavy
