Na telekanale TVC 18 studzienia a 20 hadzinie vyjdzie pieradača «Prava hołasa». Jaje temaj budzie Biełaruś, nazva pieradačy sfarmulavanaja nastupnym čynam: «Susiedzi ci sajuźniki?»
U pradmovie da pieradačy adznačajecca, što na dniach prezident Małdovy Ihar Dadon zajaviŭ, što hatovy vybudoŭvać stratehičnyja adnosiny z Rasijaj. U supraćvahu Małdovie staviać Biełaruś, jakaja ŭviała biaźvizavy režym u dačynieńni hramadzian 80 krain, u tym liku Jeŭrasajuza.
«Alaksandr Łukašenka hetymi dniami zajaviŭ, što «niezaležnaja Biełaruś, jakaja žyvie svaim rozumam i pracaj, nie pa dušy šmat kamu». Kaho mieŭ na ŭvazie Łukašenka?» — zadajucca pytańniem aŭtary pieradačy.
Pierad efiram na sajcie telekanała zapuščanaja apytanka: «Ci daspadoby vam niezaležnaja Biełaruś?» Na hety momant 65% adkazała, što tak, a 35% - nie.
