Novyja zony płatnaj parkoŭki źjavilisia ŭ Minsku, paviedamili ŭ dziaržaŭnaj ustanovie «Parkoŭki stalicy».
Praduhledžana spahnańnie płaty za parkoŭku transpartnych srodkaŭ u rajonie miascovaha prajezdu da haścinicy «Płanieta» (40 mašynamiescaŭ nasuprać budynka pa pr. Pieramožcaŭ, 23), vuł. Mielnikajcie (30 mašynamiescaŭ kala doma numar 21 pa pr. Pieramožcaŭ); vuł. Niamiha, 40 (60 mašynamiescaŭ).
U rajonie pr. Niezaležnaści — bulv. Mulavina — vuł. Załataja Horka abstalavana 245 mašynamiescaŭ. Pavodle danych sajta haradskoj sistemy płatnych parkovak, płatnymi stali abodva baki prajezdu ad pr. Niezaležnaści da vuł. Załataja Horka i ad vuł. Załataja Horka da pr. Niezaležnaści, prajezd pamiž budynkami vuł. Hikały, 4 i bulv. Mulavina, 5, učastak vuł. Załataja Horka pamiž vuł. Hikały i bulv. Mulavina.
Pakul parkoŭki ekspłuatujucca ŭ testavym režymie, a z 17 lutaha, jak čakajecca, piarojduć na štatny režym raboty.
Jak paviedamlałasia, u stalicy raspracavany płan raźvićcia płatnych parkovak, jaki składajecca ź niekalkich etapaŭ. Pieršy etap užo amal realizavany, jon praduhledžvaŭ stvareńnie amal 2 tys. parkovačnych miescaŭ u centralnaj častcy horada (u rajonie vuł. Haradski Vał, Niamiha, Babrujskaja, Kirava, Lenina, Śviardłova, ekśpierymientalnaja zona na vuł. Tałbuchina ŭ rajonie zavoda «Łuč» i inš.).
U 2017 hodzie kolkaść płatnych parkovačnych miescaŭ płanujecca pavialičyć da 8 tysiač. U asnoŭnym jany buduć raźmiaščacca na vulična-darožnaj sietcy. Płata za parkoŭku słužyć ekanamičnym instrumientam uparadkavańnia kiravańnia transpartnym patokam i daje mahčymaść źnizić transpartnuju i ekałahičnuju nahruzku na centralnuju častku horada, stymulavać abarot najbolš deficytnych parkovačnych miescaŭ, pavialičyć dachodnuju častku biudžetu.
