Biełaruś i Sudan abmiarkoŭvajuć mahčymaść udziełu biełaruskich pradpryjemstvaŭ u raźviedcy i raspracoŭcy naftavych i hazavych radoviščaŭ Sudana. Pra heta ŭ intervju telekanału «Biełaruś 1» paviedamiŭ namieśnik premjer-ministra Biełarusi Uładzimir Siamaška, paviedamlaje BIEŁTA.
«Jość tema dla razmovy pa daraźviedcy i zdabyčy nafty i hazu, udziełu va ŭsich hetych pracesach», - udakładniŭ vice-premjer. Abmiarkoŭvajucca taksama mahčymaści pastaŭki ŭ Sudan abstalavańnia biełaruskaj vytvorčaści dla hetych metaŭ. «U nas jość abstalavańnie i dla naftahazavaj raźviedki, i dla naftahazazdabyčy — heta značyć u samym roznym płanie my možam supracoŭničać», — dadaŭ Uładzimir Siamaška.
Akramia partniorstva ŭ paliŭna-enierhietyčnaj śfiery, baki razhladajuć pierśpiektyvy ŭzajemadziejańnia ŭ inšych halinach ekanomiki, u tym liku ŭ mašynabudavańni i sielskaj haspadarcy.
Jak prainfarmavaŭ Nadzvyčajny i Paŭnamocny Pasoł Biełarusi ŭ Jehipcie i Sudanie pa sumiaščalnictvie Siarhiej Račkoŭ, Biełaruś hatova raźvivać supracoŭnictva z Sudanam pa cełym šerahu kirunkaŭ. «Vizit prezidenta ŭ Sudan možna adnieści da znakavych vizitaŭ. Ekanamičny efiekt - heta kantrakty na ahulnuju sumu bolš jak $ 40 młn. Spadziajusia, hetaja suma budzie padvojenaja, a, moža być, navat i patrojenaja litaralna na praciahu hoda», - skazaŭ jon
