Ułady ZŠA ŭnieśli imia syna eks-kiraŭnika hrupoŭki «Al-Kaida» Usamy bin Ładena ŭ čorny śpis terarystaŭ. Heta aznačaje, što hramadzianam ZŠA zabaroniena źviazvacca ź im, a ŭsie jahonyja rachunki na terytoryi krainy padlahajuć zamarozcy, piša VVS.
AFP
U śpisie, jaki składaje Dziarždepartament ZŠA, Chamza bin Ładen nazvany «asabliva niebiaśpiečnym mižnarodnym terarystam».
U pieralik taksama trapiŭ adzin ź lidaraŭ «Al-Kaidy na Aravijskim paŭvostravie» Ibrahim al-Banna.
Amierykanskija śpiecsłužby śćviardžajuć, što Chamza bin Ładen staŭ aktyŭnym prapahandystam «Al-Kaidy» paśla śmierci svajho baćki, zabitaha ŭ Pakistanie padčas apieracyi śpiecsłužbaŭ ZŠA ŭ mai 2011 hoda.
Padčas pieratrusu ŭ domie bin Ładena byli znojdzienyja listy, u jakich Chamza prosić kiraŭnika «Al-Kaidy» navučyć jaho i zrabić svaim spadčyńnikam.
Pavodle dadzienych śpiecsłužbaŭ ZŠA, Usama bin Ładen płanavaŭ pieradać synu kiravańnie «Al-Kaidaj», choć na momant napisańnia lista (2009 hod) jany nie bačylisia bolš za vosiem hadoŭ.
Adnak u vyniku paśla śmierci bin Ładena kiraŭnikom hrupoŭki staŭ jehipcianin Ajman Zavachiry.
Pry hetym Chamza bin Ładen čas ad času vypuskaŭ videazvaroty da svaich prychilnikaŭ, u jakich pahražaŭ ZŠA novymi napadami.