Alaksandr Łukašenka padpisaŭ ukaz, jakim zamacoŭvajecca norma, što časova dziejničała ŭ 2016 hodzie, pa apłacie nasielnictvam asobnych žyllova-kamunalnych pasłuh, u pryvatnaści techničnaha absłuhoŭvańnia lifta i sanitarnaha ŭtrymańnia dapamožnych pamiaškańniaŭ.
Zhodna z dakumientam, jany apłačvajucca spažyŭcami zychodziačy z kolkaści hramadzian, zarehistravanych u žyłym pamiaškańni, a nie suraźmierna ahulnaj płoščy žyłych pamiaškańniaŭ, jakija naležać im ci zajmajucca imi.
Jak paviedamlaje pres-słužba prezidenta, pa takim ža pryncypie spažyŭcami pakryvajucca raschody arhanizacyj, jakija ažyćciaŭlajuć ekspłuatacyju žyllovaha fondu i (abo) akazvajuć žyllova-kamunalnyja pasłuhi, na elektraenierhiju, spažytuju na aśviatleńnie dapamožnych pamiaškańniaŭ i pracu abstalavańnia ŭ šmatkvaternych žyłych damach (za vyklučeńniem liftaŭ).