Miedyki nie rekamiendujuć raścirać abmarožany ŭčastak cieła śnieham i sahravać jaho la batarei. Pra heta paviedamiła siońnia ŭ pres-centry BiełTA na bryfinhu pa likvidacyi nastupstvaŭ cykłona «Aksiel» namieśnik načalnika hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Ludmiła Žylevič, kažučy ab akazańni pieršaj miedycynskaj dapamohi pry abmaražeńni.
favim.com
Nieabchodna chutka sahravać abmarožanuju častku cieła, pažadana ŭ ciopłym pamiaškańni. «Nie rekamiendujecca raścirać abmarožany ŭčastak cieła śnieham: kryvianosnyja sasudy dalikatnyja i mahčyma ich paškodžańnie, uniasieńnie infiekcyi praź mikraranki. Nie rekamiendujecca sahravać abmarožanyja ŭčastki cieła pad haračaj vadoj, kala batarei abo abahravalnika. Nie efiektyŭnym varyjantam pieršaj dapamohi pry hłybokim abmaražeńni budzie ŭcirańnie alejaŭ, tłušču, raścirańnie śpirtam tkanak», — skazała Ludmiła Žylevič.
Abmarožany ŭčastak cieła lepš sahreć u vańnie, pastupova davodziačy tempieraturu vady da plus 37 hradusaŭ, abmyvajučy myłam i robiačy aściarožny, ale enierhičny masaž. Pahładžvańnie abmarožanaj častki ŭ kirunku serca pavinna palepšyć krovazvarot i papiaredzić zakuporku sasudaŭ i amiarćvieńnie tkanak. Pry ŭźniknieńni puchiroŭ masaž rabić nie rekamiendujecca. Adnačasova paciarpiełamu dajuć sałodki haračy čaj ci kavu. Pry paciapleńni abmarožanaha ŭčastka abcirajuć jaho śpirtam, adekałonam abo harełkaj i nakładvajuć na paciarpieły ŭčastak cieła sterylnuju paviazku. Mazievyje paviazki škodnyja, bo jany ŭskładniajuć nastupnuju chirurhičnuju apracoŭku miesca abmaražeńnia.
Dla prymianieńnia inšych mier dapamohi, u tym liku abiazbolvańnia, chvory pavinien być nieadkładna dastaŭleny ŭ lačebnuju ŭstanovu. «Kali vy bačycie, što na učastkach skury źjavilisia puchiry ci jość učastki, jakija nie adnavili svajo krovazabieśpiačeńnie, treba tut ža adpraŭlacca ŭ lubuju arhanizacyju achovy zdaroŭja», — źviarnuła ŭvahu namieśnik načalnika hałoŭnaha ŭpraŭleńnia.
Ludmiła Žylevič taksama nazvała prykmiety abmaražeńnia. Pry abmaražeńni pieršaj stupieni narizajecca pabialeńnie skury sa strataj adčuvalnaści. Paśla sahravańnia źjaŭlajucca pačyrvanieńnie i siniušnaść skury ź jaje nievialikaj prypuchłaściu, jakija supravadžajucca piakotaj. Usie źjavy prachodziać praź niekalki dzion. Pry abmaražeńni druhoj stupieni paśla sahravańnia na skury źjaŭlajucca puchiry z kryvianistym źmieścivam, pry treciaj stupieni raźvivajecca amiarćvieńnie ŭsich słajoŭ skury, a pry čaćviortaj — amiarćvieńnie miakkich tkanak i kostak, usioj kancaviny.
