Fota: Maja Hitij / Getty Images.
Palicyja Kiolna ŭ śviatočnuju noč praviała pravierku dakumientaŭ i vyśviatleńnie asoby 650 čałaviek. Pryčym palicyja metava spyniała maładych mužčyn paŭnočnaafrykanskaha pachodžańnia. 92 čałavieki byli ŭ vyniku zatrymanyja, paviedamlaje Niamieckaja chvala.
Hetyja zachady byli ŭžytyja, kab nie paŭtarylisia padziei hadavoj daŭniny, kali ŭ navahodniuju noč kala Kiolnskaha sabora zdarylisia biesparadki.
Sioletnija dziejańni palicyi Kiolna vyklikali, adnak, krytyku Partyi Zialonych. Jaje lidarka Simone Pieter asudziła mietady pracy palicyjantaŭ. Na dumku Pieter, maštabnaja prysutnaść palicyi choć i paspryjała značnamu skaračeńniu kolkaści pravaparušeńniaŭ, adnak niedapuščalna, «kab amal tysiaču čałaviek pravieryli i zatrymali tolki na padstavie ich rysaŭ tvaru».
Pravaabarončaja arhanizacyja Amnesty International taksama raskrytykavała takija dziejańni pravaachoŭnikaŭ. Na dumku pravaabaroncaŭ, havorka idzie pra «rasavy prafajlinh», heta značyć, ažyćciaŭleńnie kantrolu pa etničnych prykmietach.
Žorstka dziejničała ŭ navahodniuju noč i palicyja Francyi. U roznych haradach respubliki było zatrymana bolš za paŭtysiačy čałaviek. Varta nahadać, što ŭ Francyi chulihany majuć tradycyju na Novy hod padpalvać aŭtamabili na vulicach.
U cełym u krainach Jeŭrasajuza navahodniaja noč prajšła spakojna.
