Pra heta 29 śniežnia paviedamiŭ žurnalistam namieśnik načalnika pasažyrskaj słužby Biełaruskaj čyhunki Andrej Kaško, paviedamlaje BiełaPAN.
Jon nahadaŭ, što taryfy na ŭnutryrespublikanskija pasažyrskija pieravozki nie mianialisia ŭžo hod — z 25 śniežnia 2015 hoda. Pa słovach śpiecyjalista ciapier abmiarkoŭvajucca raznastajnyja varyjanty — u tym liku dyfierencyjavanyja taryfnyja płany, jakija aktyŭna prymianiajucca na mižnarodnych pieravozkach. Mahčyma, jany buduć uviedzienyja paśla abmierkavańnia.
Kaško adznačyŭ, što pavyšeńnie taryfaŭ zaležyć ad Ministerstva, bo čyhunka sioleta nakiroŭvała padobnyju prapanovu nieadnarazova, ale biezvynikova.
Taryfy na mižnarodnyja pieravozki ŭ nastupnym hodzie zachavajucca ŭ šviejcarskich frankach na ŭzroŭni 2016 hoda.
