Jak paviedamili ŭ HUUS Minska, minčuka aštrafavali na 105 rubloŭ.
Sud pryznaŭ, što jaho dziejańni kvalifikujucca jak «Abraza» (art. 9.3 Kodeksa ab administracyjnych pravaparušeńniach).
U milicyi padkreślili, što fakty pryciahnieńnia da ŭstanoŭlenaj zakonam adkaznaści internet-karystalnikaŭ nie adzinkavyja.
«Internet-karystalnikam varta bolš pilna stavicca da infarmacyi, jakuju jany raźmiaščajuć u adkrytym dostupie. Orhany ŭnutranych spraŭ i nadalej buduć davać adpaviednuju pravavuju acenku tym, chto pierastupaje zakon, chavajučysia za šyrmaj ŭjaŭnaj internet-ananimnaści», — zajavili ŭ HUUS.
Havorka idzie pra kamientar dziejańniam supracoŭnika DAI, jakoha źbili na MKAD u žniŭni 2015 hoda. Avaryja adbyłasia ŭ rajonie źjezdu na vulicu Cimirazieva. Kiroŭca na Opel Vectra źbiŭ inśpiektara DPS Frunzienskaha rajona, jaki, vykonvajučy słužbovyja abaviazki, znachodziŭsia na druhoj pałasie i sprabavaŭ spynić aŭtamabil. Supracoŭnika milicyi špitalizavali. U vyniku DTZ načalnik atrymaŭ ciažkija traŭmy. Vinavataha ŭ avaryi prysudzili da dvuch z pałovaj hadoŭ kałonii-pasialeńnia.
