Za zdaču žylla ŭ pieršaj ekanomika-płanirovačnaj zonie staŭka padachodnaha padatku pavialičycca da 30,5 rubla ŭ miesiac za pakoj (ciapier jana składaje 27,5 rubla), u druhoj — da 25,5 rubla (ciapier — 23 rubli), u treciaj i čaćviortaj — da 21,5 rubla (ciapier — 19,5 rubla), a ŭ piataj — 17,5 rubla (ciapier — 16 rubloŭ). Rašeńnie ŭstupić u siłu paśla jaho aficyjnaha apublikavańnia.
Pa słovach načalnika inśpiekcyi Ministerstva pa padatkach i zborach pa Minsku Andreja Sabaleŭskaha, na 1 listapada ŭ jakaści płacielščykaŭ padachodnaha padatku ŭ fiksavanych sumach ad zdačy žylla było zarehistravana bolš za 58,4 tysiačy haradžan. Heta na 2 tysiačy čałaviek bolš, čym za anałahičny pieryjad minułaha hoda.
Za minuły pieryjad hoda ŭ biudžet pastupiła 9,8 młn rubloŭ, što na 1,7 młn rubloŭ (denaminavanych) bolš, čym za studzień — kastryčnik 2015 hoda.
Jak čakajecca, arendadaŭcy papoŭniać haradski biudžet u nastupnym hodzie na 13,1 miljona rubloŭ padachodnaha padatku.
Nahadajem, u apošni raz staŭki dla tych, chto zdaje ŭ arendu kvatery, pavyšali sioleta ŭ krasaviku.
