Kiraŭnik Biełarusi pryznačyŭ novaha kiraŭnika Administracyi prezidenta, a taksama pieršaha namieśnika hetaj struktury. Imi stali Natalla Kačanava i Maksim Ryžankoŭ adpaviedna. Na naradzie taksama prysutničali namieśnik kiraŭnika Administracyi Valeryj Mickievič, pamočnik prezidenta Mikałaj Korbut i pres-sakratarka Natalla Ejsmant.
Alaksandr Łukašenka prapanavaŭ reformu ŭnutry Administracyi. Najpierš jon ličyŭ, što treba skasavać pasadu adnaho z namieśnikaŭ — pa ideałohii. Ciapier za hetuju pracu adkazvaje były beeresemaŭski lidar Ihar Buzoŭski, jakoha pryznačyli dva hady tamu.
Alaksandr Łukašenka i Ihar Buzoŭski. Fota grodnonews.by.
Funkcyi Buzoŭskaha Łukašenka prapanuje padzialić pamiž novym pieršym namieśnikam Administracyi Maksimam Ryžankovym («Kultura, sport, achova zdaroŭja — asnova našaj ideałohii»), a taksama Natallaj Ejsmant. Što tyčycca Ejsmant, to pra jaje kiraŭnik krainy skazaŭ: «Jana čałaviek užo daśviedčany, ale krychu niedazahružany i ŭładnymi, i arhanizacyjnymi paŭnamoctvami. Tamu jaje važna ŭciahnuć u hety vir».
«Ja prosta vykazvaju svajo mierkavańnie, ale vy tam pahladzicie», — adznačyŭ Łukašenka. Adnak možna nie sumniavacca, što ŭ vyniku ŭsio tak i budzie.
Namieśnikami kiraŭnika Administracyi prezidenta na siońnia źjaŭlajucca: Valeryj Mickievič (adkazvaje za jurydyčnuju śfieru), Mikałaj Snapkoŭ (ekanomiku) i Ihar Buzoŭski (ideałohija).