Pra heta śviedčać vyniki daśledavańniaŭ ab pieravahach spažyŭcoŭ na drukavanym rynku Biełarusi, jakija byli praviedzieny ŭ kastryčniku-listapadzie, paviedamiŭ na X Mižnarodnaj kanfierencyi vydaŭcoŭ, palihrafistaŭ i raspaŭsiudžvalnikaŭ drukavanaj pradukcyi «Drukavany rynak: novyja vykliki — novyja stratehii» dyrektar Centra sacyjałahičnych i palityčnych daśledavańniaŭ BDU David Rotman.
Pa vynikach daśledavańniaŭ, bolš za 50% biełarusaŭ, što čytajuć, kuplajuć knihi.
Adzin raz u miesiac nabyvajuć knihi 5,6% čytačoŭ, adzin raz u hod i radziej — 23,8%.
Bolšaść spažyŭcoŭ addajuć pieravahu rabić pakupki knih u internet-kramach, rost kolkaści pakupak praź internet u apošnija hady vielmi istotny.
David Rotman adznačyŭ, što knihavydaŭcu varta ŭličvać hety faktar pry prasoŭvańni pradukcyi na rynku, jak i toje, što čaściej za ŭsio spažyŭcy daviedajucca ab novych vydańniach ź internet-resursaŭ. Takim čynam, u Sietcy nieabchodna šyroka pravodzić rekłamu knih.
Štodnia čytajuć 17,1% biełarusaŭ, adzin abo niekalki raz u tydzień - 21,4%, nie čytajuć naohuł - 15,7%.
Elektronnaj knizie addajuć pieravahu 30,6% biełarusaŭ.