Haradskija ŭłady razhladajuć mahčymaść zrabić ujezd u centr Minska płatnym dla ŭsich.
Fota Siarhieja Zinina
Pra heta, jak paviedamlajuć «Minsk-Naviny», paviedamiŭ 21 śniežnia staršynia Minharvykankama Andrej Šorac padčas pres-kanfierencyi ŭ haradskoj ratušy.
Jon rastłumačyŭ, što na praciahu bližejšych hadoŭ uzrovień aŭtamabilizacyi ŭ horadzie moža nablizicca da krytyčnaha.
— My ŭžo paŭhoda vyvučajem hetuju temu, - adznačyŭ A. Šorac. - Jość roznyja techničnyja srodki, jak heta zrabić, i roznyja padychody. Adny śpiecyjalisty prapanujuć zrabić niazručnym prajezd praz centr horada i vykarystoŭvać 1-je i 2-je transpartnyja kolcy, kab źnizić aŭtamabilnyja patoki. Inšyja - abmiežavać ŭjezd na MKAD abo zrabić jaho płatnym dla hruzavoha transpartu. Jość prapanova zrabić płatnym ŭjezd u centr Minska dla ŭsich udzielnikaŭ ruchu. Naša hałoŭnaja zadača — zrabić ruch na hramadskim transparcie bolš zručnym, kamfortnym i chutkim, čym na asabistych aŭtamabilach.
«Mahčyma, zrobim ŭjezd u centr Minska płatnym dla ŭsich, vykarystoŭvajučy sistemu BelToll, - padsumavaŭ A. Šorac. - I kožny ŭdzielnik ruchu budzie razumieć, što, zajazdžajučy ŭ peŭnuju zonu, jon pavinien zapłacić».
