Kolkaść bojehatovych źniščalnikaŭ u Vajenna-kaśmičnych siłach Rasii pavinna ŭ pierśpiektyvie skłaści 700 mašyn, paviedamiła rasijskaje ahienctva lenta.ru sa spasyłkaj na krynicu ŭ vajskovych kołach.
Rasijskija źniščalniki Su-27 i MiH-29 na paradzie 9 traŭnia ŭ Maskvie
«Hety pakazčyk možna dasiahnuć da 2025 hoda. Źniščalniki buduć składać kala 40 adsotkaŭ ad ahulnaj kolkaści samalotnaha parku VPS, astatniaje - šturmaviki, bambardziroŭščyki, raźviedvalnyja, transpartnyja, vučebnyja i śpiecyjalnyja mašyny», - skazaŭ čynoŭnik.
Ciapier Maskva maje kala 500 źniščalnikaŭ u bojehatovych adzinkach, a ahułam maje 1.090 bajavych samalotaŭ u składzie VPS, śviedčyć daviednik «Military Balance 2016», jaki składajecca aŭtarytetnym Mižnarožnym instytutam stratehičnych daśledvańniaŭ iiss.org.
Takim čynam, sychodziačy z padadzienaj praporcyjaj, u 2025 hodzie Rasija choča mieć kala 1750 bajavych samalotaŭ roznaha pryznačeńnia — u 1,7 raza bolej, čym ciapier.
Biełaruś, pa dadzienych taho ž daviednika, maje 24 bojehatovyja źniščalniki MiH-29, 12 šturmavikoŭ Su-25, 13 samalotaŭ vajenna-transpartnaj avijacyi.