Jara Chasan, adna z dvaccaci hieraiń kalendara «Ź Siryi ź luboŭju» dla padtrymki rasijskich vajskoŭcaŭ u Siryi, zajaviła TJ, što vykarystanyja ŭ vynikovaj pracy frazy nie naležali dziaŭčatam i byli prypisany im bieź ich dazvołu.
Kalandar byŭ apublikavany na sajcie «Ź Siryi ź luboŭju» 15 śniežnia. Tam havorycca, što finansy dla jaho stvareńnia byli vydzielenyja ŭ ramkach prezidenckaha hranta, nakiravanaha na dziaržpadtrymku moładzievych inicyjatyvaŭ, a praca prachodziła pry ŭdziele rasijskaha moładzievaha ruchu «SIEŤ».
U hety ž dzień pradstaŭniki kamandy, jakaja pracavała nad kalendarom, dali intervju šerahu ŚMI, raspavioŭšy ab jaho idei. U razmovie z «Kamsamolskaj praŭdaj» kiraŭnik prajekta «Škoła sučasnaha mastactva» Maryja Alošyna patłumačyła, što kalandar źbirajucca razdrukavać i pasłać rasijskim vajskoŭcam u Siryju.
«U nas jość kreatyŭnaja prastora, dzie my pieryjadyčna pravodzim mazhavyja šturmy. Na adnym z takich mazhavych šturmaŭ i pryjšła ideja stvaryć kalandar ź siryjskimi dziaŭčatami. Sprava ŭ tym, što ŭ adnaho z udzielnikaŭ prajekta jość znajomyja va Univiersitecie družby narodaŭ (RUDN), jakija majuć znosiny ź siryjkami. Tak my vyjšli na siryjskich studentak, jakija pražyvajuć u Maskvie, i prapanavali im paŭdzielničać u našaj spravie.
Ciapier my chočam adpravić kalendary rasijskim vajskoŭcam praz MNS, najbližejšym humanitarnym rejsam. Vielmi spadziajomsia na toje, što aficery vyšluć ŭ adkaz fota».
U kalendary vykarystoŭvajucca frazy, napisanyja ad asoby samich dziaŭčat: naprykład, «Choć by na MiH ubačyć ciabie», «Los majoj Palmiry — u tvaich rukach», «Heta nie tvoj avijanosiec pryparkavany la siryjskich bierahoŭ?» i «Ja spakojnaja, kali maja ziamla pad tvaim kantrolem».
U apisańni prajekta havorycca, što dziaŭčaty, kožnaja pa-svojmu, źviarnulisia da rasiejskich vajskoŭcaŭ, a tradycyjnyja ruskija kakošniki jany nadzieli na znak pavahi da Rasiei.
Jara Chasan, namalavanaja na vokładcy dla kastryčnika, zajaviła ŭ hutarcy z TJ, što joj daviałosia napisać tłumačalny post dla svaich siabroŭ ź Siryi, jakija ŭzłavalisia paśla taho, jak ubačyli nibyta skazanyja dziaŭčatami-siryjkami frazy.
My dumali, što tam buduć tolki našy fatahrafii. Ale my byli ŭ šoku, kali ŭbačyli kalandar u internecie z hetymi durnymi frazami. […]
Na svajoj staroncy ja patłumačyła dla svajho koła siabroŭ, što adbyłosia. Tamu što reakcyja ŭ Siryi žudasnaja. Usie złujucca z-za hetych fraz.
Pa słovach Chasan, kalandar pryznačaŭsia dla taho, kab padziakavać rasiejskim vajskoŭcam za dapamohu ŭ baraćbie z teraryzmam. Adnak nadpisy nie byli ŭzhodnieny ź dziaŭčatami, i, choć jana paprasiła aŭtaraŭ prajekta vydalić ich, vierahodna, rabić heta ŭžo zanadta pozna.
Z rezkaj krytykaj vykarystańnia siryjek takim čynam 16 śniežnia vystupiła Anastasija Piekšava, blizkaja siabroŭka Chasan. Jana znajomaja z pałovaj źniatych u kalendary dziaŭčat, bo pracuje nad dakumientalnym filmam pra siryjcaŭ, jakija žyvuć u Rasii.
U kankretnaj situacyi bolš za ŭsio škada dziaŭčat. Jany sapraŭdy siryjki, samyja sapraŭdnyja, jakich možna lohka padmanuć, prosta tamu što jany ŭsio jašče vierać u ludziej, niahledziačy na toje, što ich «źniščajuć pradukcyjniej, čym u Aśviencymie».
Ich davieram prosta skarystalisia, prymalavali idyjockija frazy, dy jašče i vystaviŭšy ich jak pramyja cytaty z podpisam, navat nie spytaŭšy dazvołu, navat nie zhadaŭšy pra toje, jak budzie vyhladać hety hora-prajekt na vychadzie. Pačuŭšy pra hetuju historyju, znajomyja ź siami roznych kancoŭ płaniety ŭ adzin hołas rajać sudzicca.
