Chirurhi paviedamili ab novym efiektyŭnym mietadzie lačeńnia raka prastaty na pačatkovaj stadyi.
Hety mietad praduhledžvaje vydaleńnie puchliny z dapamohaj łaziera, a taksama pryjom śpiecyjalnych lekaŭ, vyrablenych na asnovie hłybakavodnych bakteryj.
Mietad byŭ pratestavany na 413 mužčynach, amal u pałovy ź ich całkam źnikli ślady raka. Vysnovy navukoŭcaŭ apublikavanyja ŭ časopisie Lancet Oncology.
Pry hetym novy vid lačeńnia nie vyklikaje pabočnych efiektaŭ. Tradycyjnyja mietady — chirurhija i pramianiovaja terapija — časta pryvodziać da impatencyi i nietrymańnia.
Tamu čaściakom mužčyny, u jakich dyjahnastujuć rak na rańnich stadyjach, addajuć pieravahu adkłaści lačeńnie i pahladzieć, ci budzie puchlina ahresiŭna raźvivacca.
Novaja mietodyka moža całkam źmianić hetuju situacyju, upeŭnienyja miedyki.
U ramkach novaha sposabu lačeńnia vykarystoŭvajecca preparat, stvorany na asnovie bakteryj, jakija žyvuć na marskim dnie amal u poŭnaj ciemry.
Łazier nakiroŭvajecca na puchlinu, i, pry naviadzieńni na ich śviatła, bakteryi aktyvizujucca i zabivajuć rakavyja kletki, pakidajučy samu prastatu zdarovaj.
Hety vid lačeńnia vykarystoŭvajecca tolki na rańnich stadyjach zachvorvańnia. Zaraz jon testujecca ŭ Jeŭropie.