Fota tengrinews.kz
Pra heta zajaviŭ prezident Redžep Taip Erdahan u videazvarocie, raspaŭsiudžanym u suviazi z zamacham na pasła RF u Turcyi, paviedamlaje UP.
Jon vykazaŭ spačuvańni ŭsiamu rasijskamu narodu, padkreśliŭšy, što napad na dypłamata — heta pravakacyja.
«Turcyja i Rasija majuć dastatkovy dośvied, jaki dazvolić nie paddacca na pravakacyi», — skazaŭ prezident.
Pavodle jaho słoŭ, Ankara ŭsprymaje ataku na pasła Rasii jak ataku suprać naroda i dziaržavy Turcyi.
Erdahan źviarnuŭ uvahu na toj fakt, što ataka na rasijskaha dypłamata adbyłasia na fonie sumiesnych krokaŭ Turcyi i Rasii ŭ Siryi.
U toj ža čas prezident Rasii Uładzimir Pucin zajaviŭ, što Maskva pavinna dakładna viedać, chto staić za zabojstvam Andreja Karłava.
«Śledčy kamitet Rasijskaj Fiederacyi ŭžo pačaŭ kryminalnuju spravu pa fakcie zabojstva, jamu daručana sfarmavać mižviedamasnuju pracoŭnuju hrupu, jakaja pavinna adpravicca ŭ Ankaru dla ŭdziełu razam z tureckimi partniorami ŭ rasśledavańni hetaha złačynstva», — zajaviŭ kiraŭnik rasijskaj dziaržavy na naradzie ŭ Kramli.
Pucin dadaŭ, što adpaviednaja damoŭlenaść dasiahnuta ŭ jaho telefonnaj razmovie z prezidentam Turcyi. «My pavinny viedać, chto nakiroŭvaŭ ruku zabojcy», — padkreśliŭ rasijski lidar.
Prezident RF vykazaŭ spačuvańni rodnym i blizkim Karłava i daručyŭ pradstavić dypłamata da dziaržaŭnaj uznaharody.
Pucin taksama adznačyŭ, što adkazam na zabojstva rasijskaha pasła moža być tolki ŭzmacnieńnie baraćby z teroram.
***
Viečaram 19 śniežnia pasoł Rasii ŭ Turcyi Andrej Karłaŭ byŭ zabity ŭ vyniku napadu na adkryćci vystavy «Rasija vačyma turkaŭ». Rasija kvalifikuje zabojstva dypłamata jak terakt.
Ułady Turcyi zatrymali maci i siastru Mieŭluta Miert Ałtyntaša, jaki ździejśniŭ zabojstva Karłava.
Paśla vyśviatleńnia asoby terarysta ŭ domie baćkoŭ Ałtyntaša ŭ horadzie Siekie pravincyi Ajdyn byŭ praviedzieny pieratrus.
