Fota Reuters
Pa słovach uładalnika Aryela Žuraŭskaha, za rulom byŭ jaho stryječny brat, jaki chacieŭ zastacca ŭ Bierlinie hetaj nočču.
Mužčyna nie moh ujavić, što toj nie spravicca z kiravańniem, pakolki maje 15-hadovy staž kiravańnia. Žuraŭski taksama adznačyŭ, što jaho stryječny brat pierastaŭ vychodzić na suviaź z 16:00 paniadziełka.
Adnak, pa dadzienych haziety Die Welt, za rulom hruzavika moh znachodzicca biežaniec z Pakistana. Jon paprasiŭ prytułku ŭ Hiermanii 16 lutaha.
Razam z tym, ministr unutranych spraŭ Hiermanii Tomas de Mieźjer zajaviŭ, što palicyi da hetaha času nieviadoma, ci źviazany incydent u Bierlinie sa śpiecyjalna spłanavanym napadam, ci heta byŭ niaščasny vypadak, pieradaje Reuters.
Pa dadzienych palicyi, adzin z padazravanych u najeździe na natoŭp na kaladnym kirmašy znojdzieny miortvym. Jašče adzin padazravany aryštavany, paviedamlaje UNIAN.
Jak paviedamlałasia raniej, u centry Bierlina hruzavik ujechaŭ u natoŭp ludziej pobač z kaladnym kirmašom. U vyniku incydentu zahinuli 9 čałaviek, kala 50 čałaviek paciarpieli.