Ciońnia prajšoŭ CHCHII źjezd Biełaruskaha sajuza mastakoŭ, na jakim abirali staršyniu. Sioleta kandydatami ŭ hałasavańni BSM byli hrafik, paet Ryhor Sitnica i skulptar Aleksandr Šapo. Udzielniki źjezda amal adnahałosna vyrašyli pakinuć na druhi termin pasady kiraŭnika sajuza mastakoŭ Ryhora Sitnicu. Za jaho hałasavała prykładna 85% udzielnikaŭ. Pavodle mierkavańnia pieramožcy, źjezd prajšoŭ intelihientna, u siabroŭskaj atmaśfiery.
Ryhor Sitnica pieraabrany staršyniom Sajuza mastakoŭ. Za pieršy pieryjad jahonaha kiravańnia Sajuz kupiŭ 1500 kvadratnych mietraŭ dadatkovych pamiaškańniaŭ.
Ryhor Sitnica naradziŭsia ŭ vioscy Kurycičy Pietrykaŭskaha rajona. Paśla zakančeńnia šostaha kłasa na radzimie pieravioŭsia vučycca ŭ Minsk, u Respublikanskuju škołu-internat pa vyjaŭlenčym mastactvie i muzycy imia I.Achremčyka. Skončyŭ Biełaruski teatralna-mastacki instytut, adździaleńnie hrafiki, i viarnuŭsia ŭ škołu-internat imia I.Achremčyka ŭžo ŭ jakaści nastaŭnika. Taksama vykładaŭ ŭ Biełaruskaj akademii mastactvaŭ. U 2013 hodzie byŭ abrany kiraŭnikom Biełaruskaha sajuza mastakoŭ.
Tvory mastaka znachodziacca ŭ fondach i muziejach nie tolki Biełarusi, ale i ŭ Polščy, Hrecyi, u pryvatnaj kalekcyi Fransa Salesa Hryla ŭ Miunchienie.
Na źjeździe prysutničała pieršaja namieśnica ministra kultury Iryna Dryha.
