Śledčy kamitet zaviaršyŭ rasśledavańnie napadu na nastaŭnicu ŭ minskaj himnazii №74.
Pra heta ŭ adkaz na zapyt Jeŭraradyjo paviedamiŭ načalnik adździeła infarmacyi centralnaha aparata SK Siarhiej Kabakovič. U chutkim časie materyjały pa spravie buduć nakiravanyja ŭ sud.
Zdareńnie adbyłosia bolš za paŭhoda tamu, 23 maja: vučań 9 kłasa himnazii napaŭ na nastaŭnicu ruskaj movy i litaratury. Padazravany ŭziaty pad vartu ŭ toj ža dzień.
«Praciahłaść rasśledavańnia pa kryminalnaj spravie ŭ dačynieńni da vučnia 9-ha kłasa źviazanaja z praviadzieńniem vialikaha abjomu śledčych dziejańniaŭ i ekśpiertnych daśledavańniaŭ, — infarmuje SK u liście. — Terminy rasśledavańnia rehłamientavanyja artykułam 190 Kryminalna-pracesualnaha kodeksa Respubliki Biełaruś».
Sud nad 16-hadovym D. maje być zakrytym i pačniecca da Novaha hoda.
Tym časam, nastaŭnica papraviłasia i vyjšła na pracu.
