Prysud byŭ ahučany ŭ Breście 14 śniežnia.
Sama historyja zdaryłasia sioleta ŭ noč na 30 červienia ŭ vioscy Ščebryn Bresckaha rajona.
54-hadovy miascovy žychar tolki niadaŭna viarnuŭsia ŭ rodnuju viosku, kab ustupić u spadčynu — da taho jon amal 20 hadoŭ pražyŭ u Polščy.
Mužčyna nidzie nie pracavaŭ, žyŭ na vypadkovyja zarobki.
I voś unačy, mocna napadpitku, mužčyna raźbiŭ šybu ŭ susiedziaŭ i zalez u ich chatu. U adnym z pakojaŭ jon znajšoŭ siakieru i pačaŭ bić im adnaviaskoŭcaŭ. 86-hadovy haspadar atrymaŭ adkrytuju siečanuju čerapna-mazhavuju i śpinna-mazhavuju traŭmy — jon pamior na miescy zdareńnia. Jaho 80-hadovaja žonka pamierła ŭranicy ŭ balnicy, kudy jaje dastavili ŭ stanie traŭmatyčnaha šoku. U staroj byli tupyja traŭmy hałavy, paškodžańni hrudnoj kletki, chrybta, noh i ruk.
Zatrymali złačyncu chutka — susiedka pačuła, jak bjucca šyby i vyklikała milicyju.
Navošta jon heta zrabiŭ, zabojca patłumačyć nie zdoleŭ.