Časopis National Geographic nazvaŭ pieramožcaŭ štohadovaha konkursu zdymkaŭ pryrody Nature Photographer of the Year. Pieršaje miesca i zvańnie «Fatohraf hoda» dastalisia francuzu Hrehu Łakuru, jakija zafiksavaŭ mihracyju sardzin la bierahoŭ Paŭdniovaj Afryki: u jakaści pryza jon budzie ŭznaharodžany premijaj u pamiery $ 2,5 tysiačy i zmoža ŭziać udzieł u pajezdcy na Hałapahoskija vyspy.
Pryziory vyznačalisia i ŭ tematyčnych naminacyjach: tak, u katehoryi «Partrety žyvioł» najlepšaj stała fatahrafija Varuna Adzitji, jakaja zafiksavała bliskučuju vostrahałovuju źmiaju; zdymak miortvaha biełaha miadźviedzia, zrobleny rasijskim fatohrafam Vadzimam Bałakinym, pieramoh u naminacyi «Prablemy navakolnaha asiarodździa», a zroblenaje Jakabam Kaptejnam fota dreva, jakoje raście pasiarod raki ŭ Niderłandach, zaniało pieršaje miesca ŭ katehoryi «Piejzaž».
Taksama ŭ liku najlepšych rabot konkursu — fatahrafija cichaakijanskaha štormu ŭ momant udaru małanki, zroblenaja piłotam avijakampanii Ecuador Airlines Sanćjaha Borcha z vyšyni ŭ 11 tysiač mietraŭ, i zdymak Čya Łoŭriensa, jaki źniaŭ varonu, jakaja vyrašyła ŭpalavać savu.
