«Siońnia pajšoŭ z žyćcia Uładzimir Dzisko — nastaŭnik pavodle paklikańnia. Vykładčyk biełaruskaj movy. Jaho piedahahičnaja dziejnaść niaspynna doŭžyłasia bolš za paŭstahodździa z 1961 pa 2016 i ŭ joj niezvyčajnym čynam syšlisia i praca ŭ ministerstvie aśviety, i ŭ piedahahičnym kaledžy, i ŭ kołasaŭskim licei. Strata tym bolš vialikaja, tamu što mienavita takich addanych spravie VYKŁADČYKAŬ siońnia nie chapaje. Sto razoŭ buduć pierapisvacca padručniki, mianiacca školnyja prahramy, ale asoba sumlennaha i adkaznaha NASTAŬNIKA zastaniecca. Mienavita takoj ASOBAJ jość i budzie Uładzimir Antonavič Dzisko ŭ pamiaci svaich navučencaŭ», — napisaŭ u fejsbuku Jahor Surski.
Uładzimir Antonavič Dzisko naradziŭsia 6 vieraśnia 1936 hoda ŭ vioscy Brolniki Navahradskaha rajona Haradzienskaj vobłaści. U 1956 - 1961 hadach vučyŭsia ŭ Minskim dziaržaŭnym piedahahičnym instytucie imia A.M. Horkaha. Pavodle raźmierkavańnia pajechaŭ vykładać biełaruskuju movu i litaraturu ŭ Aršanskuju industryjalna-piedahahičnuju vučelniu (siońnia heta piedahahičny kaledž). Doŭhija hady vykładaŭ u Kołasaŭskim licei.
