Naprykancy listapada na Pieršym kanale rasijskaha telebačańnia ŭ efir vyjšła pieradača «Čas pakaža», dzie abmiarkoŭvali stasunki Rasii z Ukrainaj i Biełaruśsiu. Farmalnaj nahodaj dla vychadu prahramy staŭ dapamožnik pa historyi, napisany staršynioj Tavarystva biełaruskaj movy Aleham Trusavym. Reč u tym, što ŭ «Historyi siaredniaviečnaj Jeŭropy V—ChV st.» padziei, što adbyvalisia na vializnaj terytoryi ad Partuhalii da Pavołža, upieršyniu razhladajucca ź biełaruskich pazicyj.
Siońnia, 5 śniežnia, na «Movie Nanova» Aleh Trusaŭ raspaviadzie słuchačam pra hetuju knihu. Zaniatki prachodziać u centry «Civali» (Prytyckaha, 29; niekalki chvilin ad stancyi mietro «Spartyŭnaja»; aŭdytoryja №366, treci pavierch). Pačatak a 18.30. Tema — «Historyja Jeŭropy vačyma biełarusaŭ». Muzyčny hość — Illa Falažynski. Uvachod volny!
