U Biełarusi ź vialikim zadavalnieńniem adznačajuć intensifikacyju dyjałohu z Polščaj, zajaviŭ staršynia Savieta Respubliki Michaił Miaśnikovič 5 śniežnia ŭ Minsku na sustrečy z kiraŭnikom sienata Polščy Stanisłavam Karčeŭskim, paviedamlaje BiełaPAN.
Miaśnikovič zajaviŭ, što baki «nie pavinny abminać dalikatnyja temy». Adnoj z takich tem, pavodle jaho słoŭ, źjaŭlajecca karta palaka.
«Hetaje pytańnie patrabuje surjoznaha vyvučeńnia na ŭzroŭni ekśpiertaŭ. Takaja palityka stymuluje emihracyju moładzi, vysokakvalifikavanych śpiecyjalistaŭ ź Biełarusi ŭ Polšču, a heta nie pavinna nanosić škodu intaresam majoj krainy», - zajaviŭ Miaśnikovič.
Jon taksama vystupiŭ za toje, kab ŭzajemadziejańnie parłamientaŭ Biełarusi i Polščy spryjała pašyreńniu kantaktaŭ Nacyjanalnaha schodu Biełarusi z parłamientami inšych krain Jeŭrasajuza.
Jašče adna tema sustrečy — pazicyja pradstaŭnikoŭ Polščy ŭ Jeŭraparłamiencie adnosna Biełarusi. «My škadujem, što kanstruktyŭnyja adnosiny pamiž parłamientami kantrastujuć z pazicyjaj jeŭraparłamientaryjaŭ. Ja chacieŭ by abmierkavać i hetuju temu», — skazaŭ Miaśnikovič.
