«Ułady Biełarusi hatovyja ŭklučyć u systemu naziemnaha viaščańnia svajoj krainy adzin z polskich telekanałaŭ canoju abmiežavańnia viaščańnia Biełsatu», — pra heta ŭ aŭtorak paviedamiła hazeta «Nasz Dziennik», blizkaja da polskaj kiroŭnaj partyi «Prava i Spraviadlivaść»
— Pad uvahu biarucca dva varyjanty. Pieršy — heta viaščańnie polskaj hramadzkaj televizii TVP1, ale biez telepradukcyi, jakaja praz abmiežavańni aŭtarskich pravoŭ nia moža pakazvacca za miažoj. Heta datyčyć pieravažna zamiežnych filmaŭ. Zamiest ich uklučałasia b viaščańnie infarmacyjnaha telekanału TVP Info. Druhi varyjant — heta viaščańnie telekanału TVP Polonia — havorycca na sajcie vydańnia.
Pavodle hazety, TVP Polonia źmianiła b svaju prahramu admysłova dla aŭdytoryi va Ŭschodniaj Eŭropie i častkova viaščała b pa-rasiejsku.
Dyrektarka «Biełsatu» Ahnieška Ramašeŭska-Huzy prakamentavała hetuju infarmacyju nastupnym čynam:
«Užo niekalki tydniaŭ praciahvajecca naskok na Biełsat pa abodva baki miažy. Paskvil u «Sovietskoj Biełoruśsii», a ciapier dziŭnyja čutki hazety «Nasz Dziennik».
«Nasz Dziennik» zaŭvažaje, što polska-biełaruskija adnosiny apošnim časam mocna palepšylisia. Usio pačałosia ad vizytu ŭ Biełaruś ministra zamiežnych spravaŭ Polščy Vitalda Vaščykoŭskaha. U kastryčniku Varšavu naviedaŭ Uładzimier Makiej. Raniej u Biełarusi prymali vice-śpikiera polskaha Sejmu Ryšrda Terleckaha i vice-premjera Matevuša Maravieckaha.
«Nasz Dziennik» — hramadzka-palityčnaja katalickaja štodzionnaja hazeta ŭ Polščy, jakaja vydajecca z 1998 hodu.
