Urad raźličvaje, što ipateka ŭ Biełarusi zapracuje da kanca 2020 hoda, zajaviŭ na sumiesnym pasiadžeńni abiedźviuch pałat Nacyjanalnaha schodu 30 listapada ŭ Minsku vice-premjer Anatol Kalinin.
Takija płany zakładzienyja ŭ prahramu sacyjalna-ekanamičnaha raźvićcia na 2016—2020 hady, adnak, pavodle jaho słoŭ, dla funkcyjanavańnia sistemy ipateki nieabchodna, kab hadavy ŭzrovień inflacyi składaŭ 5—7%, pracentnyja staŭki pa kredytach nie pieravyšali 15%, a pamier štohadovych płaciažoŭ pa ipatecy nie pieravyšaŭ 35% hadavoha dachodu siamji. «Da kanca piacihodki takija ŭmovy buduć stvoranyja», — zapeŭniŭ vice-premjer.
Kalinin taksama paviedamiŭ, što prajekt kancepcyi pa raźvićci sistemy budaŭničych źbieražeńniaŭ znachodzicca na zaviaršalnaj stadyi.
Čynoŭnik nahadaŭ, što pierad uradam staić zadača na praciahu troch hadoŭ zabiaśpiečyć žyllom šmatdzietnyja siemji, jakija majuć u im patrebu, niahledziačy na niedachop srodkaŭ. «Ciapier adšukvajem srodki», — skazaŭ jon.
Pry hetym Kalinin paraiŭ zabudoŭščykam nie skardzicca na źnižeńnie popytu na žyllo, a budavać dastupnyja pa canie kvatery. Pavodle jaho słoŭ, siońnia ŭ Minsku «zastajucca niepradadzienymi bolš za piać tysiač novych kvater».
