Fota: Leah Skuridina
Aktyvist Ruchu «Za Svabodu» z Mastoŭ Vasil Klimovič sioleta nie zmoh pajechać u Śvisłač na ŭšanavańnie pamiaci paŭstancaŭ Kalinoŭskich. Adnak heta nie pieraškodziła sudu aštrafavać jaho na 9 bazavych vieličyniaŭ (189 rubloŭ) za ŭdzieł u akcyi.
«Pasudzili mianie ni za što. U hetym hodzie nichto z mastoŭskich nie byŭ. Ja zvyčajna ich na svajoj mašynie vaziŭ, a tut u mianie nie atrymałasia», — raspavioŭ sajtu Pyx.by Vasil Klimovič.
Pa jahonych słovach, paśla akcyi praź jahonuju maci ź im źviazaŭsia ŭčastkovy i paprasiŭ pryjści ŭ pastarunak.
«Skazaŭ, što pa spravie č. 1 art. 23.34 (parušeńnie paradku arhanizacyi ci praviadzieńnia masavych mierapryjemstvaŭ), maŭlaŭ, razmachvaŭ ściaham. Ja nie pahadziŭsia z pratakołam, skazaŭ, što nie byŭ tam», — adznačyŭ aktyvist Ruchu «Za Svabodu».
U vyniku sudovy praces byŭ pryznačany na 2 śniežnia ŭ Mastach, adnak 25 listapada Vasila Klimoviča terminova vyklikali ŭ sud. «Ja padumaŭ, što prosta aznajomicca sa spravaj, prychodžu, a tam pačaŭsia sapraŭdny sud. Było dvoje śviedkaŭ-milicyjantaŭ z Vaŭkavysku i Śvisłačy», — dadaŭ Klimovič.
Śviedki zajavili, što heta Klimovič byŭ na akcyi, byli prademanstravanyja materyjały videafiksacyi. «Ja kazaŭ, što heta nie ja, a padobny na mianie čałaviek. Ale śviedki dumali, što heta ja, i sudździa tak dumaŭ. Ja pryvodziŭ śviedčańni žonki, baćkoŭ, jakija mahli paćvierdzić, što ja ŭ toj dzień nie vyjazžaŭ z Mastoŭ. Adnak sudździa nie pavieryŭ i aštrafavaŭ mianie na 9 bazavych vieličyniaŭ», — adznačyŭ aktyvist.
Pa jahonych słovach, jon abskardzić sudovaje rašeńnie, a taksama padaść skarhu na śviedkaŭ-milicyjantaŭ u prakuraturu.
Historyja Vasila — na sajcie 34mag.
