Pieršy punkt našaj vandroŭki — muziej-siadziba Adama Mickieviča «Zavośsie».
Tut jon naradziŭsia ŭ kaladnuju noč. U hetym domie prajšło jaho dziacinstva, tut padletkam, z bratami, pravodziŭ kožny hod letnija vakacyi, siudy lacieŭ zakachany student, a potym nastaŭnik z Koŭna, kab być bližej da lubimaj dziaŭčyny Maryli Vieraščaki z Tuhanavič, što niedaleka ad Zavośsia.
U vioscy Karčova padyjdziem da Kamienia fiłaretaŭ, a taksama prahulajemsia pa parku kolišniaha majontka Vieraščakaŭ Tuhanavičy.
Drevy tuhanavickaha parku pamiatajuć nie tolki fiłamackija hutarki, ale i pałkija sustrečy zakachanych Adama Mickieviča i Maryli Vieraščaki.
Nastupnym punktam stanie Navahrudak, dzie pačaŭsia vialiki žyćciovy šlach Adama Mickieviča.
Siudy razam ź siamjoj pierajechaŭ paet z chutara Zavośsie. Dom-muziej A. Mickieviča ŭ Navahrudku paznajomić ekskursantaŭ ź bijahrafijaj paeta i pobytam biełaruskaj šlachty kanca XVIII stahodździa. U muziei ekskursanty pačujuć vieršy paeta i muzyku jaho epochi. Z žyćciom Adama Mickieviča źviazana taksama takaja śviatynia Navahrudka, jak Farny kaścioł. 12 lutaha 1799 hoda ŭ hetym chramie chryścili znakamitaha paeta.
Padčas ekskursii zapłanavana naviedvańnie Zamkavaj hary.
U hetym malaŭničym miescy, ź jakim źviazany staražytnyja lehiendy i padańni, paet čerpaŭ svajo natchnieńnie. Z Zamkavaj hary adkryvajecca cudoŭny vid na navakolle. Pobač z Zamkavaj haroj znachodzicca Kurhan Bieśśmiarotnaści Mickieviča.
U horadzie štohod pravodziacca śviaty ŭ honar Mickieviča. Miascovyja žychary da hetaha času vierać, što ŭ hetyja dni duša paeta pakidaje krakaŭski Vaviel i nakiroŭvajecca ŭ Navahradak, kab z Kurhana Bieśśmiarotnaści lubavacca prastorami rodnaha Navahrudskaha kraju i ŭsioj biełaruskaj ziamli.
Cana vandroŭki: 40 rubloŭ
Padrabiaznaści i zapis pa telefonach: (17) 222 33 21, (29) 765 25 45, (29) 650 61 02 (Lidzija).
TAA «BiełJuniInterKam» UNP 19052271
