Jak paviedamili BiełaPAN va UUS Mahiloŭskaha abłvykankama, 21 listapada zahadčyk palikliniki na pracoŭnym miescy atrymaŭ hrošy ad biespracoŭnaha mahilaŭčanina za spryjalnaje vyrašeńnie pytańnia vydačy daviedki ab stanie zdaroŭja biez prachodžańnia miedycynskaj vadzicielskaj kamisii.
«U dalejšym u chodzie ahladu słužbovaha kabinieta słužbovaj asoby apieratyŭnikami BEZ vyjaŭlenyja i kanfiskavanyja dalary ZŠA, jeŭra, rasijskija i biełaruskija rubli na ahulnuju sumu ŭ ekvivalencie bolš za 6,5 tysiačy dalaraŭ ZŠA», — skazaŭ pieršy namieśnik načalnika UUS Alaksandr Vasiljeŭ.
Pavodle jaho słoŭ, papiarednija apieratyŭna-vyšukovyja mierapryjemstvy dajuć dastatkovyja padstavy mierkavać, što znojdzienyja hrašovyja srodki atrymanyja złačynnym šlacham, a sam zatrymany doŭhi pieryjad nieadnarazova atrymlivaŭ chabar ad hramadzian za vyrašeńnie pytańniaŭ, jakija ŭvachodziać u jaho kampietencyju.
Supracoŭniki ŭpraŭleńnia pa baraćbie z ekanamičnymi złačynstvami UUS vyśviatlajuć inšych asob, jakija majuć dačynieńnie da złačynnaj dziejnaści zahadčyka.
U svaju čarhu supracoŭniki Upraŭleńnia Śledčaha kamiteta pa Mahiloŭskaj vobłaści raspačali i rasśledujuć spravu ŭ dačynieńni da zahadčyka pa častcy 1 artykuła 430 (atrymańnie chabaru) Kryminalnaha kodeksa.
